اصلي پاڼه | دری | English |
Expand
Expand
خبرونه او رپوټونهExpand خبرونه او رپوټونه
Expand
مونږسره اړيكه
دو شنبه ٬د تلې ۲۹ مه٬ ۱۳۹۸ ل

Muslimyar.jpg

------------------------------------------------------------------------------------------------------------------------------------

د افغانستان داسلامي جمهوري دولت د ملي شورا د مشرانوجرګې د رییس الحاج فضل هادي مسلم یار ژوند لیک

 فضل هادي مسلم یار د الحاج محمد عمر زوی، په ۱۳۵۳ لمریز کال د ننګرهار ولایت د چپرهار ولسوالۍ د دولت زیو په کلي کې نړۍ ته سترګې پرانیستي. نوموړي خپل ماشومتوب په پلرني کلي کې تېر کړی او هملته یې خپلې زده کړې ترسره کړې.

 کله چې افغانستان له سیاسی کړکېچ سره مخ شو او جګړو زور واخیست فضل هادي مسلم یار له خپلې کورنۍ سره د جلال آباد ښار ته کډه وکړه او د خپل پلار او کورنۍ په ملاتړ یې د خپل کلي او ولسوالۍ خلک د شوروي یرغلګرو په مقابل کې متحد او یو موټی کړل .

فضل هادي مسلم یار د خپلې پیاوړی ارادې او خلکو د باور پر بنسټ د خپل قوم د مشر په توګه وټاکل شو او لږ وخت وروسته په خپله سیمه کې د یوه محبوب رهبر په توګه مشهور شو، وروسته نوموړی د ښه او باوري امنیت د ټینګښت لپاره د ننګرهار ولایت د اوسېدونکو په وړاندیز د ننګرهار ولایت د پولیسو د قوماندان په توګه دنده پیل کړه اوپخپله دنده کې ښه وځلېد .

مسلم یار د هغه پریمانه محبوبیت له کبله چې په خلکو کې یې درلود، په ختیځ زون کې د اسلامي دعوت ګوند د رییس په توګه و ټاکل شو او نه یوازې ننګرهار تـه بلکې په ګاونډیو ولایتونوکې یې هم خلکو ته بې ساري خدمتونه کړي دي.

فضل هادي مسلم یار د ۱۳۸۸ کال د ولایتي شوراګانو په ټاکنو کې د ننګرهار ولایت ولایتي شورا ته د غړي په توګه بریالی او ورورسته د ولایتي شورا  د خپلمنځي ټاکنو پر بنسټ د مشرانو جرګې دغړي په توګه انتخاب شو.

او د ۱۳۸۹ لمریزکال د مشرانوجرګې د اداري پلاوي  په ټاکنو کې د رایو په اکثریت  دیوه کال  له پاره د سنا مجلس د لومړي نایب په توګه او وروسته بیا د مشرانو جرګی رییس و ټاکل شو او تر ننه د دې جرګې د ریاست دنده په غاړه لري.

دې موده کې یې پریکړه وکړه چې د ډیموکراتیک نوي مدیریت په سیستم کې  خپل کاري ظرفیت لوړ کړي، هماغه و چې په ۱۳۹۰ لمریز کال کې د آریانا پوهنتون د حقوقو او سیاسي علومو له پوهنځي څخه فارغ شو.

فضل هادي مسلم یار د نوي اوځوان نسل د پوهې په خاطر چې څه ډول  د افغانستان زړور ولس د شوروي لښکرو د یرغل په مقابل کې و جنګید ( د شوروي اتحاد په مقابل کې  مبارزه ) تر عنوان لاندې کتاب ولیکه چې دا ارزښتمند اثر به ډیر ژر خپور شي.

خلکو ته د خدمت په لاره کې د ده هلې ځلې، ژمنې او سر ښندنې  د دې لامل شوې چې د افغانستان د خلکو په منځ کې ځانګړی محبوبیت تر لاسه کړي.

 فضل هادي مسلم یار  دهېواد ځوانانو ته ښه بېلګه ده او همېشه اوږه په اوږه له خپلو ځوانانو سره ولاړ دی.


  بريښنا ليک      : Zia_shirzad@yahoo.com  -   fazalhadimuslimyar@yahoo.com            

   د اړيکو شمېرې :0700005858و0798581955  0700672742-