اصلي پاڼه | دری | English |
عمومی معلوماتExpand عمومی معلومات
د مشرانو جرګې جوړښتExpand د مشرانو جرګې جوړښت
خبرونه او رپوټونهExpand خبرونه او رپوټونه
کورني اسنادExpand کورني اسناد
خپرنیزېExpand خپرنیزې
مونږسره اړيكه
شنبه ٬د تلې ۳ مه٬ ۱۴۰۰ ل

FazilHadi-Muslimyar.jpg

-----------------------------------------------------------------------------------------------------------------------------------

د افغانستان داسلامي جمهوري دولت د ملي شورا د مشرانوجرګې د رئیس الحاج فضل هادي مسلم یار ژوند لیک:

فضل هادي مسلم یار د الحاج محمدعمر زوی، په ۱۳۵۳لمریزکال د ننګرهار ولایت د چپرهار ولسوالۍ د دولت زیو په کلي کې نړۍ ته سترګې پرانیستي. نوموړي خپل ماشومتوب په پلرني کلي کې تېر کړی او هملته یې خپلې دیني زده کړې ترسره کړي.

 کله چې افغانستان له سیاسی کړکېچ سره مخ شو او د شوروي د تیري له امله جګړو زور واخیست په دې موده کې

فضل هادي مسلم یار له خپلې کورنۍ سره یوځای د جلال آباد ښار ته کډه وکړه او د خپل پلار او کورنۍ په ملاتړ یې دخپل کلي او ولسوالۍ خلک د شوروي یرغلګرو په مقابل کې متحد او یوموټي کړل چې یاد کاریې د خلکو د ملاتړ سبب وګرخید .

فضل هادي مسلم یار د خپلې پیاوړې ارادې او خلکو د باور پربنسټ د ولسونو په خوښه د خپل قوم د مشر په توګه وټاکل شو او خلکو ته یې ګټور خدمتونه ترسره کړل چې پایله کې د ولسونو  د وړاندیز پربنسټ د ننګرهار ولایت د پولیسو دقوماندان په توګه دنده پیل کړه اوخپله دنده کې ښه وځلېد او له دې وروسته د مجاهدینو د حکومت دوره کې د ننګرهار د ۱۱ فرقې د مرستیال اوهم یې د ۱۳۸۴ څخه د ۱۳۸۸ کلونو پورې د ننګرهار ولایت د ولایتي شورا د غړي او رئيس په توګه انتخاب او دنده ترسره کړې ده.

مسلم یار د هغه پریمانه محبوبیت له کبله چې په خلکو کې یې درلود، په ختیځ زون کې د اسلامي دعوت ګوند د رییس په توګه و ټاکل شو او نه یوازې ننګرهار تـه بلکې په ګاونډیو ولایتونوکې یې هم خلکو ته بې ساري خدمتونه کړي دي.

فضل هادي مسلم یار د ۱۳۸۸ کال د ولایتي شوراګانو په ټاکنو کې د ننګرهار ولایت ولایتي شورا ته د غړي په توګه بریالی او ورورسته د ولایتي شورا  د خپلمنځي ټاکنو پر بنسټ د مشرانوجرګې دغړي په توګه انتخاب شو.

او د ۱۳۸۹لمریزکال د یولسمې میاشتې په لومړۍ نېټه دمشرانوجرګې د اداري پلاوي  په ټاکنوکې د رایو په اکثریت  دیوه کال  له پاره د سنامجلس د لومړي نایب په توګه انتخاب او د پام وړ خدمتونو د وړاندې کولو او باور د ترلاسه کولو وروسته د مشرانوجرګی رئیس و ټاکل شو او تر ننه د دې جرګې د ریاست دنده په غاړه لري.

دې موده کې یې پریکړه وکړه چې د ډیموکراتیک نوي مدیریت په سیستم کې  خپل کاري ظرفیت لوړ کړي، هماغه و چې په ۱۳۹۰ لمریز کال کې د آریانا پوهنتون د حقوقو او سیاسي علومو له پوهنځي څخه فارغ شو او د دعوت پوهنتون د حقوقو او سیاسي علومو څخه یې خپل د ماسټرۍ سند ترلاسه او د نوي اوځوان نسل د پوهې په خاطر چې څه ډول  د افغانستان زړور ولس د شوروي لښکرو د یرغل په مقابل کې و جنګېد ( د شوروي اتحاد په مقابل کې  مبارزه ) تر عنوان لاندې کتاب ولیکه چې دا ارزښتمند اثر به ډیر ژر خپورشي.

فضل هادي مسلم یار د هغو بریاو او شایستګیو په نسبت چې د خلکو انسجام او یووالي کې یې درلوده ۱۳۹۷ کال کې د افغانستان د اسلامي جمهوري دولت د رئيس محمد اشرف غني له خوا د مشرانوجرګې د انتصابي غړي په توګه معرفي او ۱۳۹۸/۳/۶ ټاکنوکې چې دجرګې د بل انتصابي غړي شهزاده مصطفی ظاهر سره یې سیالي کوله د شهزاده مصطفي ظاهر په انصراف سره فضل هادي مسلم یار د مشرانوجرګې د غړو له خوا د رایو په اتفاق دملي شورا مشرانوجرګې د اوولسمې تقنیني دورې د رئيس په توګه انتخاب شو او د قوانینو د تصویب، د خلکو څخه استازولي او څارنې په برخو کې یې خپلې ورسپارل شوې دندې په رښتینولۍ، ایمانداۍ او ښه توګه ترسره کړې او کوي یې، چې د نوموړي دنیک شهرت او مېړانې سبب وګرځیدې او د زرګونو هېوادوالو زړونه یې خپل کړي.

ملت او وطن ته د فضیلتمآب الحاج فضل هادي مسلم یار دا هڅې، ژمنتیا او فداکارۍ ،د دې لامل شوې چې د افغانستان د خلکو په منځ کې ځانګړی محبوبیت ترلاسه کړي.او د ځوان نسل لپاره یوه ښه بېلګه وګرځي.

ایمیل ادرس :   Sh.muslimyar@gmail.com , Hamayoon.hamdard42@yahoo.com  

   د اړيکو شمیری :0700005858,0744000055,0700600002