د مشرانو جرګې مطبوعاتي دفتر
د ۱۴۰۰ کال د چنګاښ ۶ مه
د خواخوږۍ او ډاډګېرنې پيغام
په ژورې خواشینۍ سره مو خبر ترلاسه کړ چې د فاریاب ولایت د علماو شورا رئيس او د اسلامي جمعیت حزب مرستیال مولوي اسدالله جمالي د هغې ناروغۍ له امله چې ورپېښه شوی وه خپل ابدي ژوند سره یوځاي شو.
انالله واناالیه راجعون
د مرحوم جمالي د مړینې له امله خپل د خواخوږۍ او ډاډګېرنې مراتب د نوموړي کورنۍ، خپلوانو، دوستانو او د سنګر ملګرو سره شریکوم، د منان رب له دربار څخه مرحوم ته د فردوس جنت او پاتې کسانو ته یې د جمیل صبر دعاګانې کوم.
مولوي اسدالله جمالي د جهادي، انسان دوست، اتل او پيژندل شویو علماو څخه یو شخصیت وو چې خپل عمر یې د جهاد، مقاومت، خلکو او هېواد ته په خدمت کولو تیر کړ، روح یې ښاد یادونه یې تلپاتې
د مشرانو جرګې لومړی نایب
محمد علم ایزدیار