د مشرانوجرګې مطبوعاتي دفتر
د ۱۳۹۹
کال د کب ۱۹مه
د مشرانوجرګې دویم نایب محمد
اکبرستانکزي د میدان وردګو ولایت یوشمېر مشرانو او اوسېدونکو سره وکتل.
کتنه کې څو تنو د نورو په استازولۍ د دې ترڅنګ چې
د مشرانوجرګې د دوېم نایب په توګه د محمد اکبرستانکزي د بیاځلې ټاکل کېدول له امله
مبارکي وویله، هېواد کې یې د جګړې د پای او د سولې د ټینګښت په اړه هم خبرې وکړې
او هیله یې وښوده چې د سولې په لاره کې روانې هڅې مثبتې پایلې ولري، هغوی همداراز
خپلې سیمه ییزې ستونزې د سنامجلس دویم نایب سره شریکې او ورڅخه یې د مرستې غوښتنه
وکړه.
د مشرانوجرګې دویم نایب د هغوی ستونزو ته د
رسیدګۍ په برخه کې د همکارۍ او پاملرنې ژمنه ورکړه او وویل : روانې تحمیلې جګړې د
دې سربېره چې په مختلفو برخو کې د هېواد د وروسته پاتې کېدو سبب شوي هېوادوالو ته
یې نه جبرانېدونکي ځاني او مالي تلفات هم اړولي دي او تمه ده چې دواړه لوري یو د
بل په منلو د باعزته او سرتاسري سولې د تامین په موخه هڅې وکړي.