اصلي پاڼه | دری | English |
Expand
Expand
خبرونه او رپوټونهExpand خبرونه او رپوټونه
Expand
مونږسره اړيكه
جمعه ٬د لندۍ ۱۵ مه٬ ۱۳۹۸ ل

د مشرانو جرګې مطبوعاتي دفتر

د ۱۳۹۸ کال د لیندۍ یولسمه نېټه

مشرانوجرګې د نومبر د پنځه ویشتمې د ښځو پر وړاندې د تاوتریخوالي سره  دمبارزې نړیوالې ورځې څخه د یوې پرتمینې غونډې په ترڅ کې لمانځنه وکړه.

11-Qaws98-GEN1.JPG

دغه غونډه چې د ښځو چارو او مدني ټولنې د کمېسیون په نوښت او د مشرانو جرګې د دارالانشاء په همکارۍ جوړه شوې وه په کې د جرګې رئیس فضل هادي مسلم یار، نایب منشي ډاکټرمحمدفیصل سمیع ، یو شمېر سناتورانو او د دارالانشاء لوی رئیس عبدالمقتدرناصری، د دارالانشاء مرستیالانو، اړوندو رئیسانو او کارکوونکو ګډون کړی وو، ګډونوالو ته د ښځو چارو د کمېسیون د مشرې ګلالۍ اکبري لخوا ښه راغلاست وویل شو .

11-Qaws98-GEN2.JPG

 د مشرانوجرګې رئیس فضل هادي مسلم یار پخپلوخبرو کې هېواد کې د تاوتریخوالي د عواملو په اړه رڼا واچوله او ویې ویل، دغې شومې پدیدې په زیاته کچه ښځو او ماشومانو باندې منفي اغیزې لرلي او سنامجلس تل ورسره د مبارزې په موخه هڅې کړي او دې مبارزو ته به دوام ورکوي او ترڅنګ یې د علماو، مشرانو او ټولو هېوادوالو وغوښتل چې د تاوتریخوالي د لمنځه وړو په لاره کې جدي او همغږې مبارزې په لاره واچوي او اجازه دې نه ورکوي چې له دې زیات د هېواد ښځې او ماشومان د تاوتریخوالي ښکار شي.

11-Qaws98-GEN3.JPG

 اوهم یې ټینګار وکړ چې مسئول ارګانونه دې د ښځو او ماشومانو پر وړاندې د تاوتریخوالي عاملین د قانون سره سم مجازات کړي تر څو دغه ناوړه رسم له منځه لاړشي.

ورپسې د مجلس نایب منشي ډاکټر محمد فیصل سمیع ، د ښځو چارو د کمېسیون مرستیالې صدیقې بلخي او د تقنیني، عدلي او قضایي چارو د کمېسیون رئيس مولوي غلام محی الدین منصف د موضوع په اړه خبرې وکړې او فقر، بې سوادي، ناامنۍ او ناخوښه دودونه یې د هغو عواملو څخه یاد کړل چې په هېواد کې د ښځو اوماشومانو پر وړاندي د تاوتریخوالي د زیاتوالي سبب ګرځي او په دې لاره کې یې په عملي مبارزو ټینګار درلود.

11-Qaws98-GEN5.JPG

11-Qaws98-GEN4.JPG

په پای کې د ښځو چارو او مدني ټولنې د کمېسیون افتخاري تقدیر لیکونه یو شمېر سناتورانو، د مشرانوجرګې د دارالانشاء لوی رئیس، مرستیالانو، د دارالانشاء د اړوندو شعبو رئیسانو او کارکوونکو ته ډالۍ شول.

11-Qaws98-GEN6.JPG

11-Qaws98-GEN7.JPG