اصلي پاڼه | دری | English |
Expand
Expand
خبرونه او رپوټونهExpand خبرونه او رپوټونه
Expand
مونږسره اړيكه
یک شنبه ٬د تلې ۲۸ مه٬ ۱۳۹۸ ل

د مشرانو جرګې مطبوعاتي دفتر

د ۱۳۹۷ کال د تلې ۱۷ مه

د مشرانوجرګې رئيس فضل هادي مسلم یار نن د ملي شورا په مقر کې،  کابل کې استوګن د فرانسې سفیر دیوید مارتینون سره وکتل.

دې کتنه کې د فرانسې سفیر په خپلو خبرو کې د دواړو هېوادونو ترمنځ د سیاسي غوره اړیکو او تعاملاتو څخه  د یادونې ترڅنګ وویل  په پام کې ده چې د هېواد پارلماني پلاوی یې د پارلماني اړیکو د ټینګښټ او د قانون جوړونې برخو کې د تجربو د شریکولو په موخه کابل ته سفر وکړي.

ورپسې د مشرانو جرګې رئيس  دخبرو په ترڅ کې د وروستیو کلونو په جریان کې د فرانسې د مرستو څخه مننه وکړه او  وویل ، دافغانستان خلک او دولت ژمن دي چې د ټولو هېوادونو په ځانګړې توګه دوست هېواد فرانسې سره نږدې اړیکې ولري، او  څرګنده یې کړه چې دسنا مجلس چمتو دی ترڅو په کابل کې د فرانسې دپارلماني پلاوي څخه هرکلی او میلمه پالنه وکړي.


17-Mizan98-MUL1.JPG

فضل هادي مسلم یار د سولې او دافغانستان دسیاسي وضعیت په اړه د ښاغلي دیوید مارتینون دپوښتنې په ځواب کې وویل د بریایلو او امنیتي ستونزو څخه لیرې د ولسمشریزو ټاکنو ترسره کېدل د افغانستان د وګړو غوښتنه وه او د خوښۍ ځای دې چې دغه ملي بهیر دسولې په فضا کې ترسره شو  نو له دې امله ویلی شو چې دهېواد امنیتي او دفاعي ځواکونه د امنیت دټینګښت توان لري او افغانستان په ښه وضعیت کې دی.

مسلم یار زیاته کړه، سوله د خلکو اساسي او مهمه اړتیا ده او مشرانوجرګه د نظر په اتفاق او بشپړي همغږۍ د سولې دهغه بهیر څخه ملاتړ کوي چې مالکیت یې د افغان حکومت په مشری وي او د سولې په خبرو او ناستو، کې باید  د حکومت استازي حضور ولري ترڅو چې پایلې یې مثبتې وي،  نه دا چې د یوشمیر هیوادونو له لورې  د افغان حکومت او خلکو له نظرونو څخه لیرې پټې معاملې او شومي دسیسې په لار واچول شي ، چې  هیله مند یو نړیوال همکاران دې برخې ته ځانګړې پاملرنه ولري.

د فرانسې سفیر دسولې په اړه د مشرانو جرګې د ریيس له دریځ او شرایطو ملاتړ څرګند کړ او هیله یې وښوده چې افغانستان کې دې دجنګ لړې ختمه او سوله ټینګه شي.

همدا راز د مشرانوجرګې لومړي نایب محمد علم ایزدیار د یوې جلا کتنې په ترڅ کې د ښاغلي دیوید مارتینون سره وکتل.

17-Mizan98-MUL2.JPG

په دې کتنه کې هم د پارلماني اړیکو د ټینګښت، اقتصادي، سیاسی همکاریو او د افغان سولې بهیر په اړه بحثونه وشول.

د مشرانوجرګې لومړي نایب د دواړو دوستو هېوادونو ترمنځ د پخوانیو اړیکو څخه د یادونې سربېره وویل، د جهاد او مقاومت په دوران کې دافغانستان خلکو سره فرانسوي ډاکټرانو او خبریالانو دجنګ په جبهو کې مرسته او بشردوستانه فعالیتونه کول چې دا خپله د ملتونو ترمنځ دنږدې والي او دوستۍ څرګندونه کوي.

17-Mizan98-MUL3.JPG