اصلي پاڼه | دری | English |
Expand
Expand
خبرونه او رپوټونهExpand خبرونه او رپوټونه
Expand
مونږسره اړيكه
چهارشنبه ٬د لړم ۲۲ مه٬ ۱۳۹۸ ل

د مشرانو جرګې مطبوعاتي دفتر

د ۱۳۹۷ کال د کب ۲۶ مه نېټه

د مشرانو جرګې رییس فضل هادي مسلم یار، اداري پلاوي او دجرګې غړو نن دمطبوعاتي کنفرانس په ترڅ کې د نوي حکومت د رامنځته کېدو په اړه دپاکستان دلومړي وزیر وروستۍ څرګندونې رد او وغندلې.

26-Hot97-COF1.JPG

یاد کنفرانس کې فضل هادي مسلم یار د ټول مجلس په استازیتوب څرګنده کړه چې افغانستان یو خپلواک او د ټاکنیز نظام لرونکی هېواد دی او د افغانستان اړوند ملي او نړیوالو مسايلو په اړه د حکومت، ملي شورا، خلکو او ټولو سیاسیونو له لارې عمل کوي او په افغانستان کې د پاکستان د حکومت جوړونې مفکورو ته هیڅ راز اړتیا شتون نلري.

د مشرانو جرګې رئیس د پاکستان د لومړي وزیر عمران خان څرګندونې د افغانستان په چارو کې ښکاره لاسوهنه وګڼله او ټینګاریې وکړ چې د یاد هېواد سیاسیون دې کوښښ وکړي تر څو د ډیورنډ فرضي کرښې د هغې غاړې د پښتون او بلوڅ قومونو اساسي حقوق چې د پاکستان د پوځ له لورې پرې ظلمونه روانه دي، ورکړي.

فضل هادي مسلم یار د سولې د خبرو اترو په اړه وویل چې د امریکا متحده ایالات دې د افغانستان سره د شته تړونونو په پام کې نیولو سره عمل وکړي او یواځې د خپل هېواد اړوند مسایل دې د افغانستان وسله والو مخالفینو سره وڅیړي او هڅه دې وکړي چې د طالبانو سره د افغان حکومت د مخامخ خبرو اترو زمینه برابره شي ځکه افغانستان حق لري ترڅو د هغو زیانونو او تلفاتو په پام کې نیولو  سره چې هره ورځ ور اوړي، د سولې بهیر کې په مستقیم ډول ګډون ولري ولې چې یوازې افغان دولت کولای شي د سولې خبرو اترو کې دخلکو سمه استازولي وکړي.

26-Hot97-COF2.JPG

دجرګې رییس د موقت حکومت رامنځته کېدل شاته تګ په معنی وګڼه او یاد ګام یې د ملي مصالحو او د افغان ولسونو دهیلو او غوښتنوخلاف وباله او ټینګاریې درلود چې د هېواد په سیاسي نظام کې هر راز بدلون باید د اساسي قانون سره سم د عمومي او رڼو ټاکنو له لارې رامنځته شي، له دې پرته هیڅ بدیل افغان ولسونو ته د منلو وړ نه دی او مشرانو جرګه په اوسنیو شرایطو کې د خپلو خلکو تر څنګ ولاړه ده او دبرحقه غوښتنو ملاتړیې کوي.

په پای کې یې د ولسي جرګې د ټاکنو د وروستیو پایلو نه اعلان د ملي شورا د نوې تقنیني دورې د نه افتتاح عامل وګڼه او د ټاکنیزو کمېسیونونو یې وغوښتل تر څو د وروستیو پایلو د اعلان لپاره خپل اقدامات چټک کړي تر څو د ملي شورا د پرانیستې زمینه برابره شي.