د مشرانو جرګې مطبوعاتي دفتر
د ١٣٩٧ کال دغبرګولې۲۹مه
په ننګرهار ولایت کې د ځانمرګو
بریدونو په تړاو د مشرانو جرګې اعلامیه
بسم الله الرحمن الرحیم
د ملي شورا مشرانو جرګه، په داسی حال کې چې
د کمکي اختر د رارسیدلو له امله د حکومت اوطالبانو ترمنځ اوربند اعلام شوی وو؛
وحشي صفته تروریستانود ننګرهار ولایت په جلال آباد ښار او د یاد ولایت
د رود اتو ولسوالۍ د غازي امان خان په ښارګوټي کې د طالبانو، امنیتي ځواکونو او ولسي وګړو د ناستې پر مهال، بریدونه چی له امله یې ګڼ شمېر هیواد وال شهيدان او ټپيان شول او همدا راز په دي
وروستیو کې د جنایتکاره تروریستانو په غلچکي بریدونو کې، د بغلان ولایت د لویې لارې
د کنډک قوماندان ، د کابل- لوګر دلويي لارې په اوږدو کې د کمانډو د اتم کنډک قوماندان اوهم د ننګرهار
ولایت د غنی خیلو ولسوال وژنې؛ په کلکو ټکو غندي او د دغه جنايتونو په
عاملينو باندې د نفرت ویلو ترڅنګ، د پرديو جاسوسانو او ترهګرو دا ډول بريدونه او
اعمال، جنګي جنایت ګڼي.
د مشرانو جرګې رئيس فضل هادي مسلم يار او د
مجلس غړو د يادو پېښو او په هېواد کې د نورو ورته جنایتونو د قربانيانو کورنيو ته د ډاډګېرنې د
څرګندولو تر څنګ ټينګار کوي،چې د هېواد کشفي او استخباراتي دستګاوې دی د پردي پاله کړیو د دا ډول کړنو په شنډولو او د هېوادوالو د امنیت په ټينګښت کې ځانګړې تدبيرونه ونيسي. ومن الله توفیق
د ملي شورا د مشرانو جرګې رئيس
فضل هادي مسلم يار