دغه مرکزونه دمشرانوجرګې د ریس په لار ښوونه او ددي جرګې د دارالانشا په هڅو او د ملګروملتونو دپراختیايی پروګرام د ادارې په مالي مرسته رغول شوی چې د پارلماني رسنيو د کار او د دارالانشا دلوی ریاست د اړوند دفترونو، اداری هییت او کمیسیونونوله پاره به د نوى تکنالوژۍ څخه په ګټې اخيستنې سره ، اسانتیاوي برابرشي.

د يادو مرکزونو د پرانيستې په وخت فضل هادي مسلم يار په داسي حال کې چې اداري پلاوي، يو شمېر سناتورانو، د مشرانو جرګې د دارالانشاء لوی ریيس سيد حفيظ الله هاشمي، د (یوان ډي پي) استازو او ژورنالستانو حضور درلود، د انځوریزو رسنيو اود تلفونی خدمتونودمرکزونو د تمويل له امله يي په افغانستان کی دملګروملتونو دپراختیايی پروګرام له مسوولانو او د جوړولو په لار کي د مشرانو جرګې د دارالانشاء د لوی ریاست له هڅو اوزیار څخه قدرداني څرګنده کړه او ويې ويل چې دغه مرکز به د پارلماني رسنيو د کارکوونکو په چوپړ کې وي او وبه کولای شي چې په ژوندۍ بڼه او د نيمګړتياو پرته د عمومي غونډو جريان خلکو ته ورسوي ترڅو موکلين وکولاي شي د خپلو استازو دکړنو په اړه قضاوت وکړي.

د مشرانو جرګې د رسنيو مرکز په ژوندۍ بڼه د غږ او انځور د ثبت سربېره،د غونډو د تالار په داخل کې تر پنځو راتلونکو تقنيني دورو پورې د غږ او انځورونو د آرشيف ظرفيت هم لري.

دغه راز سرور روم(د کنټرول مرکز) چی هم د ملګرو ملتونو دپراختیایی پروګرام دادارې له خوا تمويل شوی چې د انټرنيټي خدمتونو د وړاندې کولو سربېره يې د مشرانو جرګې د ودانۍ په داخل کې د غږیزاوانځوريز ټيليفونونه د اتصال لپاره زمینې برابري کړي دي،چی له دی لاری د ولسي جرګي له اړوند دفترونو سره هم اړیکي تامینیږی.