د مشرانو جرګې مطبوعاتي دفتر
د ليندۍ ٩ مه
د مشرانو جرګې دويم نايب انجنير حسيب الله کليمزي نن د
ننګرهار ولايت د خوګياڼو ولسوالۍ د يو شمېر مشرانو غوښتنې واورېدې.
په دي ناسته کې څو تنو د نورو په استازيتوب د پراختيايي پروژو د نه
پلي کېدو، د ښوونځيو کمښت او د مسلکي استادانو نشتوالي، د روغتيايي معياري مرکزونو
کمښت په اړه يې خپلې يو لړ سيمه ييزې ستونزې مطرح او زياته يې کړه چې پراختيايي
پروژې د پنځلسو کلونو راهيسې په ياده ولسوالۍ کې په ټپه ولاړي دي.
د مشرانو جرګې دويم نايب د ښاريانو ستونزو ته رسيدګي د حکومت له مکلفيتونو
څخه وبلل، ډاډ يې ورکړ چې يادې ستونزې به د يوې ناستې په ترڅ کې د مشرانو جرګې د
رئيس فضل هادي مسلم يار او د عامي روغتيا، پوهنې، کليو د پراختيا او کرهڼې وزيرانو
په حضور سره شريکي شي.