د ښځو پر وړاندې د تاوتريخوالي د
لمنځه وړو د نړيوالې ورځې په مناسب د ملي شورا د مشرانو جرګې پيغام:
بسم الله الرحمن الرحيم
د ١٣٩٥ کال د ليندۍ درېيمه
د ملي شورا مشرانو جرګه په هېواد کې د ښځو او ماشومانو پر وړاندې د
تاوتريخوالي د زياتوالي څخه د ژورې اندېښنې د څرګندولو تر څنګ، د ښځو، ماشومانو او
سړو پر وړاندې د هر ډول ظلم او ستم تحميلول د اسلام د مبين دين د لارښوونو او د
هېواد د ملي ارښتونو او رواجونو سره په ټکر کې ګڼي او د زړه بوږنوونکو او
تاوتريخوالي اعمالو له امله د ښځو او ماشومانو د قربانيو او منجمله د ګمراهانو او
جنايت کارانو له خوا د ښځو او ماشومانو پر وړاندې جنسي تيريو له امله خپل نفرت
څرګندوي او ټينګار کوي چې د حکومت مسئولې ادارې دي د دي جنايتونو د عاملينو د
نيولو او د عواملو
مشرانو جرګه د علماي کرامو، مشرانو او مدني او ټولنيزو بنسټونو څخه هم
غوښتنه کوي چې د دغي شومي او شنيع پديدې پر وړاندې لاس په کار شي تر څو الله
تعالي(ج) رسول اکرم ص راضي او زموږ دينداره ملت په بشري ټولنه کې له شرمه وژغورل
شي.
د ملي شورا مشرانو جرګه د هېواد د ښځو او ماشومانو د مدني، سياسي،
ټولنيزو او اقتصادي حقوقو د ټينګښت ترڅنګ، ژمنه کوي چې د ټولو دولتي او ټولنيزو
بنسټونو تر څنګ به د الهي لارښوونو او د هېواد د نافذو قوانينو په رڼا کې د ښځو
حقوقو په ورکړه کې له هيڅ راز هڅو ډډه ونه کړي.
د ملي شورا د مشرانو جرګې رئيس
فضل هادي مسلم يار