اصلي پاڼه | دری | English |
Expand
Expand
خبرونه او رپوټونهExpand خبرونه او رپوټونه
Expand
مونږسره اړيكه
دو شنبه ٬د تلې ۳۰ مه٬ ۱۳۹۷ ل

د مشرانو جرګې مطبوعاتي دفتر

د ١٣٩٥ کال د زمري ١٦ نېټه

يو شمېر سناتورانو نن د مطبوعاتي کنفرانس په ترځ کې د بريښنايي پيژندپاڼو سره دضميموي پاڼي ويش ردکړاو له  حکومت  څخه يي غوښتنه وکړه چي په الکترونيکي تذکري کي دي د افغان کلمه درج اوپه يوه پاڼه کي دي،د ويش لپاره تياري ولري.

په دي مطبوعاتي ناسته کې سناتورانو د خپلو ټاکنيزو حوزو په استازيتوب خبرې کولي ويې ويل، هغو آوازو چې حکومت غواړي د بريښنايي پيژندپاڼي ترڅنګ يوه بله ضميمه چې په هغه کې به د هېوادوالو هويت او مليت شامل وي،وويشي او څرګنده ئي کړه چي دمل(ضميموي)پاڼي ويش د انديښني وړ ده، ځکه ددي پاڼي ضميمه کول د تذکري له پاڼي سره يو ځاي  د اساسي قانون دڅلورمې مادې خلاف عمل دي اود اساسي قانون په دي ماده کي دافغان دکلمي صراحت په دي توګه تصريح شوي چي( د افغان کلمه د افغانستان د ملت  په هر فرد اطلاق کيږي) او بايد حکومت په دي برخه کې په غور سره قدم پورته کړي او بايد په يوه پاڼه کي د تذکري دخاوند مکمل هويت ځاي په ځاي شي چي له دي پرته به دلوي کندهار،لوي ننګرهاراو لويي پکتيا د اوسيدونکوپه ګډون د هيواد د نوروخلک هم هغه  پيژندپاڼه چي په هغي کي د اسلام اوافغان کلمي نه وي ذکر شوي، تر لاسه نکړي.

 16-Asad95-Kanfrance.JPG

سناتورانوپه داسي حال کي چي دملي وحدت حکومت ئي داساسي قانون خلاف د بحران دمخنيوي لپاره ديوه تفاهم زيږنده وبلل،ټينګارئي وکړ چي حکومت بايد اساسي قانون او نور نافذه قوانين تر پښو لاندي نکړي اوپه اوسنيو حساسو شرايطو کې چې د هلمند، غزني،بدخشان، کندز، ننګرهار او ارزګان ولايتونو کې جګړې دوام لري او حکومت له ګڼ شمير ستونزو سره مخ دي ، نه ښايي چي په دا ډول طرحو او سملاسي پريکړو باندي خپلې ستونزې نوري هم زياتي کړي او د خلکو او دولت ترمنځ واټن زيات او د وروڼو او برابرو قومونو تر منځ د بېلتون سبب شي.

 دمشرانوجرګي غړو په دي مطبوعاتي کنفرانس کي دملي وحدت له حکومت څخه په کلکه غوښتنه وکړه چي په هيواد کي د امنيت دټينګښت په لاره کي دي پريکنده اقدامات تر سره کړي او دملي پروګرامونو د طرحي او تطبيق لاري چاري دي په ملي اجماع کي د ټولني له نخبګانو،مخورو،عالمانو اوپوهانو سره د سلا او مشورو له لاري ولټوي او زياته ئي کړه، اړتيا شته چې د ملي يووالي حکومت دي د هېواد د ملي منافعو په پام کې نيولو سره د بريښنايي پيژندپاڼو د وېش بهيردي هم،د هېواد د هري سيمي له مخورو او پوهو شخصيتونوسره په مشوره کي چي د ټولو له پاره د منلو وړ وي،تطبيق کړي.