د مشرانو جرګې د لومړي نايب محمد علم ايزديار په مشرۍ د يادې جرګې د ريسانو د کمېټې د جمهوري رياست د چارو ادارې د مرستيال او د چارو ادارې د پارلماني چارو د رئيس په ګډون سره جوړه شوه.

د ريسانو کمېټې په زابل ولايت کې د ٣١ مسافرو د تښتولو د برخليک د ناڅرګند والي څخه اندېښنه څرګنده کړه، ټينګار يې وکړه چې حکومت بايد د دي افرادو په خوشي کولو کې ګټور ګامونه پورته کړي.

همدا راز د دولتي کارکوونکو په استخدام کې ممنوعيت او د سرپرستانو د کار د دوام پر بنسټ د مسئولانو د نه واک، د دولتي پلاويو د ترکيب په ګمارلو کې د حکومت دوه ګونې چلند، ولايتونو څخه د مشرانو جرګې کاري رپوټونو ته د حکومت نه پاملرنه او رسيدګي، عربي هېوادونو کې د افغان کارګرانو جدي ستونزې چې پاکستاني پاسپورتونه لري او دي شخړې ته نه رسيدګي، د سنا مجلس د دارالانشا مسلکي او متخصصو کادرونو له پاره د مناسب معاش د نه په پام کې نيول او ځينې نور مسايل هغه موارد وو چې د جمهوري رياست د چارو ادارې مسوولانو سره شريک شول او د دولت د دري ګونو قواو تر منځ د لا زياتې همغږۍ پر جوړېدو او د اړوند قانون سره سم د دوي له امتيازونو څخه د پخوانيو سناتورانو د برخوردارۍ په اړه ټينګار وشو.

دغه راز په غوڼده کې وويل شول چې د بريښنا شرکت مسوولانو د بريښنا ستنې په اساسي ډول نه دي ترميم کړي او امکان شته چې په نږدي راتلونکې کې يو ځل بيا تخريب شي.

د چارو د اداري مرستيال يادو سوالونو ته د ځواب تر څنګ څرګنده کړه چې جمهوري رياست او ټول دولتي ارګانونه کوښښ کوي تر څو دغه مسافرين د خپلو کورنيو غيږو ته ستانه شي او هم يې څرګنده کړه چې مطروحه موضوعګانې به د جمهوري رياست او اړوندو ارګانونو سره شريکي کړي او حل لارې به يې وپلټي.

همدا راز په غوڼده کې پريکړه وشوه چې د دفاعي چارو کمېسيون دي د هلمند ولايت څخه خپل کاري رپوټ او د مواصلاتو او مخابراتو کمېسيون دي خپل کاري رپوټ د وري د مياشتې ٢٣ نېټې عمومي غوڼدې ته وړاندي کړي او هم دي د ديني، فرهنګي، پوهنې او د لوړو زدکړو د چارو کمېسيون دي د هېواد څخه بهر د افغان محصلانو د مدد معاش د نه ورکړې په اړه خپل رپوټ د وري د مياشتې د پينځه ويشتمې نېټې عمومي غونډې ته وړاندي کړي او هم څرګنده شوه چې امنيتي مسوولان دي په هېواد کې د روانو حالاتو په اړه د وري د مياشتې ديرشمې نېټې عمومي غونډې ته حاضر او د سناتورانو پوښتنو ته دي ځواب وړاندي کړي.