د مشرانو جرګې مطبوعاتي دفتر

د ١٣٩٢ کال د غوايي نهمه نيټه

د مشرانو جرګې د اداري هيئت غړو ، د ريسانو کميټي او د پارلماني ګروپونو استازو په يوې جدا کتنه کې د آستراليا پارلماني هيئت سره د بيلا بيلو موضوعګانو په اړه خبري وکړي .

په کتنه کې د مشرانو جرګې لمړي نايب محمد علم ايزديار د هيواد د سولې او ثبات په تامين کې د آستراليا د مرستو او رول څخه قدرداني وکړه ويې ويل ، افغانستان په ټولو برخو په ځانګړي توګه د آستراليا لوري سره د پارلماني اړيکو د ټينګښت په باب د پراخوالي غوښتونکې دي او هيله مند يو چې استراليا د ٢٠١٤ کال وروسته د دواړو هيوادونو د ستراتيژيکو هوکړه ليکونو په چوکاټ کې د افغانستان همکار اوسي او نړيواله ټولنه خپلې  مرستې د موثريت په خاطر  د هيواد د ملي بودجې له لاري ولګوي .

ازديار په هيواد کې د آزادو ، شفافو او سراسري ټاکنو دجوړيدو داهميت د اړيکې تر څنګ وويل د ښاريانو د ډاډمن امنيت د تامين او د هيواد د سرحدونو څخه د دفاع لپاره اړتيا شته چې افغان امنيتي ځواکونه په ځانګړي توګه ملي اردو تجهيز او تمويل شي او د نوموړي هيئت څخه يې وغوښتل تر څو د افغانستان په کورنيو چارو کې د ځينو ګاونډيو او کړيو د لاسوهنو څخه په مخنيوي کې دخپل رول څخه همکاري وکړي .

ورپسي د آستراليا د پارلماني هيئت رئيس ښاغلي هري جنکس په داسي حال کې چې د دغه هيواد په نسبت يې د افغانستان د خلکو دنيک احساس څخه قدرداني وکړه ، ويې ويل د افغانستان د مشرانو جرګې د غړو پيغامونه به د آستراليا په پارلمان کې طرحه کړي .

نوموړي د ٢٠١٤ کال وروسته د دغه هيواد له مرستو څخه ډاډ ورکړ او افغان ځواکونو ته د امنيتي مسئوليتونو د ليږد د پروسي په اړه وويل ، آستراليا د افغانستان د جمهوري رياست او ولايتي شوراګانو د راتلونکې کال د ټاکنو بهير څخه د نړيوالي ټولنې د غړي په توګه همکاري کوي تر څو د اعتماد وړ نتيجه ترلاسه شي . په غوڼده کې همدا راز دويم نايب حاجي رفيع الله ګل افغان او يو شمير سناتورانو د مشرانو جرګې د دارلاانشا د کارکوونکو د ظرفيت د ارتقا د لوړيدو ، د کانونو د راويستلو په برخه کې د همکارۍ او د هيواد د کرهڼيز سيستم د ميکانيزه کيدو ، د نړيوالي سوداګرۍ سازمان ته د افغانستان د ملحقيدي ، د تحصيلي بورسيو د ډيرښت ، په آستراليا کې

 د افغان مهاجرو  ستونزو د حل او د ځينو نورو مواردو په اړه خپلې يو لړ پوښتنې او وړانديزونه طرحه کړل چې د آستراليايي هيئت له خوا د همکارۍ ژمنه ورکړل شوه .